Ba na wani barcin kirki Inji Hamshakin Attajiri Dangote

- Aliko Dangote ya bayyana yadda ya samu arzikin sa

- Attajirin yace ya zage ne ba dare ba rana da nema

- Dangote yace a rana bai fi ya runtsa na dan lokaci kadan ba

Mai kudin Najeriya sa Afrika Aliko Dangote ya bayyana yadda ya samu arzikin sa a Duniya. Attajirin yace ya zage ne ba dare ba rana wajen nema.


Ka ji yadda Aliko Dangote ya samu duniya
Aliko Dangote yace a kowace rana ya kan yi aiki har na sa'a 18. Tun karfe 8:30 na safe Dangote yake shiga Ofis kuma ba zai fito ba sai bayan awa 18. Wannan dai ya bi jikin sa don kuwa bai fi yayi barci awa uku tak a raba ba.

Hamshakin Attajirin Afrika Dangote

Dangote yace ya kan tashi tun karfe 5:00 na asuba bayan yayi sallah sai ya shiga atisaye inda yake motsa jiki da tafiya ta kilomita 10. Mike Adenuga ya taba ba Dangote shawara yanzu ya kamata fa ya rika runtsawa don shekaru sun zo.

Duk Afrika dai babu wanda ya kama hanyar arzikin Dangote wanda ya mallaki sama da Dala Biliyan 16. Dangote na da ma'aikata sama da 26,000 a harkar noma, abinci, mai, kayan gini dsr.