Fitowa ta 32
161. Karan dawa yakan sukunya ne idan yana dauke da alheri. Idan yan fanko sai ka gan shi tsaye kyam. Ba kowane mai daga kansa ne ya cancanci jinjina ba.
162. Mumini yakan yi adalci ko yana a cikin fushi. Yakan yi gaskiya ko yana a cikin matsi. Yakan daidaita ko yana a cikin damuwa
163. Idan ka kwantanta kanka da rayuwar mawadaci ka lura ya fi ka, to ka duba yanayin ibadarka ko ka fi shi? Fomin kada ya yi maka bugu biyu; ya ci nan kana kall, a ranar lahira kuma ya shige aljanna ya bar ka.
164. Gurgu na gaskiya shi ne wanda bai zuwa masallaci, makaho na gaskiyashu ne wanda bak duba Alkur'ani.
165. Idan ka dauka cewa, ba ka yin kuskure to wannan si ne kuskurenka na farko. Duk mutum dan tara ne, bai cika goma ba.
Rubutawa: Dr. Muhammad Mansur Ibrahim Sokoto
7/11/1438
31/7/2017
» Gabatarwa Zauren Minbarin Malamai +2347037477743
0 comments:
Post a Comment