1. ABU NA FARKO : Idan kaji an jarrabeka da tsananin sha'awa Mai Qarfi wacce take rinjayarka wajen tunanin aikata alfasha, to ga Maganinsa nan :
Yi kokari ka gyara sallolinka. Watakil ba ka yinsu akan lokaci, ko kuma baka yinsu bisa tsoron Allah.
Domin kuwa Allah yana cewa : "SAI WASU MABIYA SUKA MAYE GURBINSU ABAYANSU, WADANDA SUKE TOZARTAR DA SALLAH KUMA SUKA BI SHA'AWOYI. DA SANNU ZASU HADU DA AZABAR GAYYU (WANI RAMI NE ACIKIN JAHANNAMA).
2. NA BIYU : Idan ka fara samun tsiyacewa da kuma rashin dacewa acikin lamarinka, to lallai kaje ka gyara tsakaninka da Mahaifiyarka. Watakil akwai mushkila atsakaninku.
DALILI : Allah ya bamu labarin Annabi Eisa (as) yana cewa : "(ALLAH YA SANYANI) MAI BIYAYYA GA MAHAFIYATA, BAI SANYANI AZZALUMI MATSIYACI BA".
3. NA UKU : idan ka fara jin Qunci azuciyarka da lalaci wajen yin ibadah. To ka binciki kanka dangane da Zikirin Allah da Karatun Alqur'ani.
DALILI : Allah yana cewa : "DUK WANDA YA JUYA BAYA DAGA AMBATONA, TO HAKIKA ZAI SAMU RAYUWA MAI QUNCI, KUMA ZAMU TASHESHI MAKAHO ARANAR ALQIYAMAH".
ABIN LURA :
Wulakanta Sallah shi ke sanya shagaltuwa da sha'awa, Zina, Madigo, Luwadi, etc.
Rashin bin iyaye shi ke janyo Dagulewar harkoki da kuma Toshewar albarkar rayuwa.
- Qarancin Zikirin Allah shi ke kawo Quncin Zuciya, Quncin rayuwa, da kuma tsirowar Munafurci azuciya.
Ya Allah ka kiyayemu ka kiyaye mana imaninmu, Aameen. Ka Qara mana Son Annabinka (saww) da Qanqame ma Alqur'ani da Sunnarsa da Son bayin Allah na kwarai. Ameen.
DAGA ZAUREN FIQHU
0 comments:
Post a Comment