Masu hikima sunce ?? (fitowa 23)

MASU HIKIMA SUN CE

Fitowa ta 23

101. Ka gaggauta aikin kirki tun gabanin zuwan ajalinka.

102. Wanda ya kamata ka fi girmamawa a cikin mutane, shi ne wanda idan ya ga aibinka ko kuskurenka, tsoronka ko kwadayin aibinka ba za su hana shi bayyana maka ba, kuma ya bayyana maka a asirce, ba cikin mutane ba.

103. Kada ka yi bakin cikin wucewar al'amarin da, tun fil'azal ba za ka same shi ba.

104. Kada ka yi farin ciki da samun al'amrin da ba zai wuce ka ba.

105. Abin da ya kamata ka yi farin ciki da shi, shi ne yin daidai a cikin sha'anin duniyarka da na lahirarka. Rashin yin haka shi ne damuwarka. Ka san fa ba abin da zai amfane ka cikin dukiyarka kamar wanda ka gabatar don lahirarka ba wanda ka bar wa duniya ba.


Littafin: Sheikh Baba Ahmad As-Shinkidi

Fitarwa da gyarawa: Dr. Muhammad Mansur Ibrahim Sokoto

28/10/1438
22/7/2017

» Gabatarwa Zauren Minbarin Malamai +234703747774