Hanyoyin da zakabi ka daina zina

HANYOYIN DA ZAKA BI KA DENA ZINA,
TAMBAYA TA 2244
*******************
Salaam Alaikum Mallam Ina maka fatan Alkairi, wannan taimako da kakeyi Allah ya saka maka da gidan Aljanna ameen.
Dan Allah mallam a amsa min wanan wasika. Ina cikin wata damuwa wacce na rasa yadda zanyi ina bukatar taimako na addua da kuma shawara.
Mallam nidai mutum ne makarancin Qur'ani, bana wasa da Azkar, bana wasa da sallah ko kuma Lokacin, mahaifina kuma mutum ne mai illimin addini, ya bani tarbiyya iya karfin sa.
Nidai tun Ina yaro karami Allah ya jarrabe ni da matsananciyar sha'wa Wanda kuma har yanxu na kai shekara 27 amma ban taba cin wanan jarrabawa ba harsai da takai ni ga aikata zina. Duk lokacin da nayi zina Bayan na gama sai naji duk Raina ya baci kuma nayita dana sani Ina nadamar mai yasa nayi zina.
Zan duba na roki Allah ya yafe min amma bayan wani lokaci kuma zan sake aikatawa. Wallah har cikin zuciya inaso na dena aikata wanan sabo amma na rasa yadda zanyi, babu kuma Wanda yasan Ina ina aikata zina kuma ba Wanda ya taba gani na, hatta Wanda muke kwana daki daya bai san ina aikata zina ba sai Allah shikadai ya sani.
Shekaran jiya na aikata wanan alfasha tare da wata mace Bayan mun gama sai bacci ya daukeni. A wanan baccin se nayi mafarkin gani a maqabarta ana tona wani kabari kuma a cikin kabari se aka tono wani wani gabadaya jikin sa gashi. Wanan mafarki ya razana ni kwarai kuma naji a azuciyata lallai na tuba zuwa ga Allah. Mallam a temake ni da addua wacce indai rike ta toh inshallahu zan dena aikata wanan sabo.
AMSA
*******
Wa alaikumus salam wa rahmatullahi wa barakatuhu.
INNA LILLAHI WA INNA ILAIHI RAJI'UN!!!
Hakika Ka afka cikin zinubi mafi hallakarwa wanda in banda Shirka babu barnar da ta fishi girma awajen Allah. Kuma Zunubin da Bala'insa ba zai tsaya akanka kai ka'dai ba. Sai ya Kwarara har cikin danginka da dangin ita abokiyar zinar taka!! SUBHANALLAH!!.
Ka biye ma son rai da Kuma sha'awar banza waccs Shaitan (L. A) ya hura maka azuciya, Ka kauce ma hanyar Allah da gangan. Domin kai kanka amatsayinka na Makarancin Alqur'ani ka riga kasan Haramcin Zina da kuma yadda take nisanta tsakanin Mutum da Allah.
Kaci amanar Mahaifinka bisa kyakkyawar tarbiyyar da ya baka, ka gurbata kanka, kuma watakil ka janyo gurbacewar wasu daga cikin zuriyar gidanku. (Allah shi kiyayemu).
Babban Magani anan shine TSORON ALLAH DA KUMA TUNANIN RANAR GAMUWARKA DASHI.
Sannan ka gaggauta tuba da neman gafarar Allah. Ina nufin cikakkiyar tuba. Ba wai irin tuban Mayaudara ba. Ka tuba ka nisanci wannan mummunan aikin. Kuma ka nisanci wacce kukeyi da ita.
In da hali ma ka chanza wajen zama. Yadda zaku dena haduwa da waccan Mazinaciyar.
Ka sake duba sallolinka watakil akwai matsala acikin yadda kake gudanar dasu. Domin kuwa ita sallah tana nisantar da mutum daga alfasha da miyagun ayyuka.
Da ache kana yin irin sallar da Allah yake so, lallai da ba zaka kusanci zina ba, Ballantana har ka rika aikatawa. Don haka ya kamata ka sake duban yanayin sallolinka.
Ka nisanci duk wanda kasan shima yana aikata irin wannan aikin. Ka tsarkake zuciyarka da yawan zikiri. Ka lazimci harkokinka da mutanen kirki.
Kayi kokari kayi aure domin shi aure garkuwa ne ga Mumini daga afkawa cikon alfasha. Idan har babu damar yin auren to ka yawaita Azumin nafila.
Ka runtse idanuwanka daga kallon duk abinda Allah ya haramta maka.
Daga cikin addu'o'in da zaka lazimta, babu kamar yawan Karatun Alqur'ani. Tunda kace kana yin azkar na safe da yamma, to sai ka Qara da zikirai na ko yaushe. Kamar su Istighfari, Tasbeehi, Hailala da Salatun Nabiyyi (saww).
Ka Qara da wannan :
"ALLAHUMMA JANNIBNEE MINKARATIL AKHLAQI WAL AF'ALI WAL AHWA'I WAL AFKARI WAL A'AMAL". (Bayan Salloli).
Wannan Mafarkin kuma watakil gargadi ne Allah yake yi maka akan sakamakon masu yin irin wannan aikin
Allah ya shiryeka ya nisantar da kai damu baki daya daga sharrin Zina da dangoginta. Ameen.
WALLAHU A'ALAM.
DAGA ZAUREN FIQHU