Fitowa ta 35
176. Shan toka da tsare gida sukan sa a kosa da kai. Yawan raha da sakin jiki kan jawo maka wulakanci. Ka lizimci tsakiya a komai, shi ne alheri.
177. Gaskiya ta fi tasiri idan aka sha wahala a kan ta. Sirri ya fi dadin ji idan aka inganta boye shi.
178. A kan pillow Sarki yake kwana. Haka shi ma talaka. Amma babu wanda zai ji dadin bacci sai wanda yake da kwanciyar hankali.
179. Mutakabbiri kamar mutum ne a kololuwar dutse; yana kallon mutane a kasa, suna kallon sa dan karami.
180. Ba dole ne ka fadi duk abin da ka sani ba, amma yana da kyau ka san duk abin da kake fadi.
Rubutawa: Dr. Muhammad Mansur Ibrahim Sokoto
10/11/1438
3/8/2017
» Gabatarwa Zauren Minbarin Malamai +2347037477743
0 comments:
Post a Comment