Hukuncin yin anko a musulunci

*HUKUNCIN YIN ANKO A MUSULUNCI*

*Tambaya*
.
Assalamu Alaykum.
Dan Allah malam menene hukuncin anko da ake yi a biki.shin ya halatta.
.
*Amsa*
.
Anko al'ada ce ta mutane bata da alaqa da addini, saboda haka in dai ba wata barna ta bayya a cikinsa ba babu laifi.
Shari'ar musulunci ta ba al'adun mutane mahimmanci da kula.
Abin da zai iya maida anko ya zama bai halasta ba kamar: mata sui shigar maza ko akasi, ko ya zama akwai bayyana tsaraici. , ko makamancin haka.
.
Allah ya fi sani.

*BIKIN SAUKAR AL-QURNI*
.
*Tambaya*

Assalamu Alaykum.
Dan Allah malam menene sharia tace akan bikin saukar Al-qur'aani? Sai kaga a yi taro harda bada allo.da dai sauransu
.
*Amsa*
.
Babu laifi ayi bikin saukar Qur'ani, domin abu ne na maslaha ita kuwa shari'a tana kula da maslaha a rayuwar mutane.
Wannan saukar na qarfafar wasu suma su dage su sauke ko haddace Qur'anin nan gaba.
Kwamitin bada fatawa na din-din -din na Qasar Saudia ya ce babu laifi in an aikata haka.

Allah ya fi sani.
*Amsawa : ✍*

*MAL. BASHEER LAWAL MUHAMMAD ZARIA.*



*Daga  ZAUREN FIQHUS SUNNAH*