Menene hukuncin daura laya shin ta dace

MENENE HUKUNCIN DAURA LAYA SHIN TA DACE.

الحمد لله وحده والعاقبة للمتقين ولا عدوان إلا على الظالمين.

AMSA: Daka Abdullahi dan mas'ud Allah kara yarda dashi yace: Annabi sallallahu Alaihi wasallam ya kasance yana kin abubuwa guda goma, wani turare mai launin fatsi fasti, da chanza furfura, da zantufafi akasa, da sanya zoben zinare, da dukan kunci, mari, da bayyana ado ga mata a inda ba wajan bayyana shiba, dayin ruqya inba da falaqi da nasi ba, da sanya maniyyi a inda bai kamata ba, zina kenan, da saduwa da mai shayarwa,.
Wannan hadisi shaik albany ya raunana shi acikin za'ifan hadisin sunan nisa'i (3075).

Daka zainab matar Abdullahi dan mas'ud daka Abdullahi yace: Naji manzan Allah sallallahu Alaihi wasallam yana cewa Lallai ruqya irin ta jahiliyya da kuma layu da tiwala "shine buda kaulasan ko takuri kowani harafi na kalmar alqur,ani asanya sunayen wadan za'a mallake, shirkane, sai tace : sai nace: saboda me kafadi haka,? wallahi idona yakasance ya naimin ciwo ina zuwa wajan wani mutum bayahude yaimun ruqya idan yamin ruqya sai yadena ciwo, sai Abdullahi yace: Wannan aikin shaidan ne shine yake tsone miki idan da hannunsa idan bayahuden yai miki ruqya sai yadena tsone miki, ya isheki kifadi irin abunda Annabi sallallahu Alaihi wasallam yakasance yana fada, " Allah katafiyar da cuta ya ubangijin mutane kawarkar dani, kaine mai warkarwa, warkarwar da babu sauran cuta.
Abu dauda (3883) da ibnu majah (3530).

Albany ya ingantashi acikin silsila sahiha (331) da (2972).

Daka uqubata dan Amir yace: Naji manzan Allah sallallahu alaihi wasallam yace: " Duk wanda ya rataya laya kada Allah yacika masa burinsa, duk wanda ya rataya daga kada Allah  yacika masa burinsa " imamu Ahmad ya ruwaito (16951).

Shaik Albani rahimahullah ya raunana hadisin acikin Za'iful jami'i (50703).

Daka uqubata bin amir aljuhany yace manzan Allah sallallahu alaihi wasallam wasu mutane goma sunzo wajansa sai yai muba'aya da mutane tara yaki mubaya'a da dayan, sai sukace: ya manzan Allah kaiwa mutum tara mubaya'a ka kyale daya sai yace: akwai laya atare dashi, sai yasa hannunsa ya cirota ya tsinkata, sai yayi masa mubaya'a sai yace: Duk wanda ya rataya laya hakika yayi shirka. Imamu Ahmad  (16969).

Shaik Albany rahimahullah ya inganta shi, acikin littafinsa silsila sahiha (492).

Laya itace abunda ake ratayawa yara ko manya su sanya ajikinsu ko asanya agida ko mota ko rumfar sana'a wata ta itatuwa da wasu ababe wata kuma dakashi ake hadasu dan kare sharri ko janyo amfani.

Malamai daka sahabbai databi'ai sunyi sabani wajan rataya layar da aka rubuta ayar alqu'ani kawai, wasu sukace indai ta qur'ani ce kawai ta halatta, wasu kuma sukace koda ta qur'ani ce bata halattaba saboda hadisin daya ce " duk wanda ya rataya laya yayi shirka" baice banda ta qur'ani ba.

Wannan magana kuma itace tafi karfi tafi fitowa fili saboda toshe hanyar barna, itace kuma mafiya yawan sahabbai suke akanta kamar Abdullahi dan Abbas da Abdullahi dan mas'ud da sauran malaman tabi'ai dama na wannan zamanin.

Malaman majaslisar ilmi da fatawa na kasar saudiyya sukace:" Malamai sunyi ittifaqi akan haramcin sanya laya da guru idan dai bata ayar qur'ani bace, sunyi sabani akan wacce akai da ayar alqur'ani kawai, daka cikinsu akwai wadanda suka halatta ta qur'ani zallah, daka cikinsu kuma akwai wadanda suka haramta harta alqur'anin, Amma fatawar haramcin harta alqur'ani itace mai rinjayen dalilai saboda gamewar da hadisai sukazo da ita na fadin kowacce laya basu kebe wacce take ta alqur'ani ba, da kuma to she hanyar barna.
Fatawa lajnatul da'imah (1/212).

والله أعلم،

***********************************

سبحانك اللهم وبحمدك أشهد أن لا إله إلا انت أستغفرك وأتوب إليك.

_*��Tambayoyin*_ _*Musulunci��*_
            _*WhatsApp*_ _*Group*_